jájájá.. jæja þá er maður loksins kominn í land eftir að hafa verið 80 daga á sjó í sumar. Þannig að þetta sumar var ekkert rosalega sumarlegt en hvað um það. Spandera seðlunum þá allavega ekki í bjór, konur og vitleysu á meðan. Held að konan hafi alveg séð um það meðan ég sá ekki til. Nei ég segi svona. Það gekk allavega rosaleg vel að veiða í sumar og voru túrarnir sem ég fór 94, 95 og 130 milljóna króna virði sem er bara assskoddi gott.  Aldrei að vita nema ég hendi inn nokkrum myndum frá í sumar inn við tækifæri. Ekki missa af því.

En allaveg þá erum ég og Guðrún komin með íbúð fyrir næsta vetur en við verðum að leigja í Hvammshlíð 9 neðri hæð. 100fm, 3 herbergja þannig að það ætti ekki að væsa um okkur skötuhjú.

Eitt samt sem að ég vil endilega að Dalvíkingar segji mér. Hvað í andskotanum er í gangi með þetta fótboltalið okkar?!?!? Maður skildi nú við þessa gæja í þokkalegu standi en svo bara skitið uppfyrir haus. Þetta var nú sumarið þar sem að Dalvík/Reynir átti að fara beint uppí fyrstu deild svo miklir áttu yfirburðir okkar að vera. En allavega endilega koma með skýringar. Ef einhverjar eru. Annars megiði líka bara segja hæ.

bæ í bili. Snöbb Dogg

Jæja þá er maður bara farinn á sjóinn. Ég er að vísu í landi núna í einn dag þar sem að það bilaði spil (sem tosar trollið upp úr sjónum, fyrir þá sem ekki vita) hjá okkur og tekur 10 tíma að skipta um það þannig ég fer aftur út um kl. 7 í kvöld.
Skipið sem ég er á heitir Júlíus Geirmundsson og lítur svona út:


Mennirnir sem ég er með á vakt eru algjörir meistarar. Þeir eru á aldrinum 35 til 50 og það eina sem við gerum á vaktinni þegar við erum ekki að vinna er að "LANA" Call of Duty. Ég þóttist nú heldur betur vera kominn í auðveldan pakka þegar þeir spurðu hvort ég spilaði þann leik þar sem maður var nú alltaf að spila counter strike hérna á sínum tíma en ég átti ekki breik í þá og á ekki enn þó það sé liðin vika síðan ég fór um borð.

Ég kem svo í land aftur um mánaðarmótin svo maður geti tekið á því á sjómannadaginn. svo fer ég aftur út í byrjun júní og verð út hann.

En ég bið allavega að heilsa ykkur í bili.

Snorri "Fransmann" kveður

Já heil og sæl. Maður er alltaf jafn virkur á þessari síðu hérna. Reyni nú að bæta úr því svo Svenni minn viti hvað ég er að gera í lífinu. En allavega þá áttu Hansína og Þorsteinn strák þann 14. mars.

Hér eru stoltir foreldrar á ferð.

Ég fékk að prófa. (Og NEI Svenni, Hjalti og Marri það er ekki eitt á leiðinni)

Annars eru fleiri myndir á heimasíðunni þeirra http://www.barnanet.is/5248

Svo fór ég Vestur á Ísafjörð um Páskana og endaði á að vera þar í nærri tvær vikur. Páskarnir voru mjög fínir, fékk páskaegg nr. 7 frá Nóa sem var alltof stórt. Fór heljarmikið á skíði, fór á Aldrei fór ég suður og sá m.a. Hjálma, Megas og Mugison. Mugison stóð klárlega uppúr og var hreint geðveikur. Þvílíkur snillingur tók einhver 4 eða 5 lög og setti þau öll í 100x rokkaðari búning en eru á diskonum hans.

Þegar við ætluðum svo að fara norður þá varð hún Guðrún mín bara veik, veit ekki hvort það var af því við ætluðum burt frá mömmu eða hvað, nei djók. En allavega þá framlengdum við páskana yfir landsmótið á skíðum sem var um helgina. Guðrúnu batnaði samt ekkert og var á endanum lögð inná spítala þar sem hún er enn þegar þetta er skrifað. Ekkert alvarlegt samt en nógu til að vera haldið á sjúkrahúsinu e-ð áfram.

Keyrði svo í gær í samfloti með nokkrum frá Ísafirði og það tók tíma sinn. Lögðum af stað kl. 15:45 og ég var kominn heim 00:45. Enda var til að mynda Steingrímsfjarðarheiði, sem er heiði hjá Hólmavík lokað rétt eftir að við keyrðum yfir hana í gær og svo gekk allt mjög hægt því það var alveg hellað veður í gær.

En djöfull var Legacyinn góður!!

Kveð að sinni. SnorrSnorr

Newcastle klárlega á leiði í evrópukeppni. Ekki satt Palli?!?!

  Hér fyrir neðan koma pælingar um hlutabréfamarkaðinn, og hvaða hluti væri
  skynsamlegast að eyða í ef þú sért að spá í að fjárfesta 1000 krónum í
  eitthvað sniðugt.


  Ef þú hefðir keypt hlutabréf í Nortel fyrir þúsund kall fyrir ári síðan,
  þá væru þau 49 kr. virði í dag.

  Ef þú hefðir valið Enron þá væru bréfin þín 16,5 kr. virði miðað við að
  höfuðstóllinn hefði verið 1000 kr.

  Ef WorldCom hefði verið fyrir valinu væru aumar 5 kr eftir.
  Ef þú hefðir eytt 1000 kalli í Delta Air Lines væri verðmæti þeirra 49 kr.
í dag.

  En, ef þú hefðir bara farið í Ríkið og eitt þúsund kalli í bjór í dós,
  drukkið hann, farið svo með dósirnar í endurvinnslu, þá ættir þú 54
  krónur.
Fyrirvari/Disclaimer
http://www.landsbanki.is/disclaimer

Snorri

Já heil og sæl. Þó það gangi nú ekkert æðislega vel hjá mínum mönnum í Newcastle þá ríkir nú töluverð bjartsýni þar á bæ. Enda frekar auðveldur leikur framundan á laugardaginn gegn MUFC á Old Trafford. En allavega ætla þeir að fara að stækka völlinn og ráðgera að verða búnir að því fyrir tímabilið 2010/2011. En í dag tekur völlurinn 52.387 manns og lítur svona út.


Ráðgert er að eftir stækkun muni hann taka 60.000 manns og hafa innbyggt hótel, ráðstefnusali og lúxus íbúðir og líta svona út.


Svo keypti ég mér nýjan bíl um daginn. Subaru Legacy '06 ekinn 26 þ.


Almeran góða er til sölu og ef einhver hefur áhuga þá bara henda á mig maili. norripall@simnet.is">snorripall@simnet.is hann kostar 250 þ. árgerð '99 ekinn 152 þ. með dráttarkúlu, geislaspilara og smurbók.


Nóg í bili.
Snepsi

Ég hef ekki farið nema í einn tíma til Óda síðan síðast. Hann var skárri. Er samt búinn að vera veikur í rúma viku. Mjög gaman.

En allavega þá henti ég nokkrum myndum inná netið um daginn og ákvað að deila þeim með ykkur. Njótið.

 
Það var hópur af feitum svörtum konum sem réðust á okkur fyrsta daginn úti á Tenerife og allt í einu var mín bara komin með fléttur.

"Æji þú ert svo þroskaheftur, þarft alltaf að eyðileggja myndirnar" (fékk að heyra þetta þegar hún sá myndina)

Þannig ég þorði ekki annað en að vera tiltölulega eðlilegur á næstu

Ma og Pa. Minnir að þetta hafi verið á 3 degi og enn ekki runnið af pabba síðan úr flugvélinni. Sá kann að skemmta sér.

Aðfangadagskvöld. 20°C hiti. næs, vorum einmitt í sólbaði mest allan daginn

Jólatréð í ár var.....    .......PÁLMATRÉ

Og Jólasveinninn í ár var SVARTUR og reyndi að selja þér sólgleraugu. Þó þú værir með ein á nefinu.

Setti nokkrar fleiri í möppu hérna til hliðar.

See you later, Calculator
Snorri Páll

Já halló halló

Þannig er mál með vexti að við í D/R förum nú einu sinni í viku á æfingar til Jóns Ódins "Júdó hetju" upp í júdósal í KA-heimilinu. Mamma og Ódi eru gömul skólasystkin og hlakkaði nú í þeirri gömlu þegar ég sagði henni frá því að við værum að fara að fara á æfingar til hans. En allavega þá bað ég hana nú um að vera ekkert að minnast á það að ég væri að fara að koma til hans ef hún rækist á hann því ég var viss um að það yrði mér ekki til framdráttar.

80 ára afmæli KA var svo haldið á laugardaginn og hitti ég mömmu og pabba á sunnudaginn og spurði frétta af afmælinu og svona eins og gengur og þau segja mér að þessi og þessi hafi fengið þetta og þetta gull, silvur og brons merki frá hinu og þessu sambandi, bla bla bla.. en segir svo að Ódi hafi fegnið e-ð merki frá Júdósambandinu. Ég spyr um hæl hvort hún hafi nokkuð sagt honum að ég væri að koma á æfingu.. "nei nei nei.. við spjölluðum bara um gamla tíma" sagði hún, og glotti.

En þá er komið að því sem ég ætlaði að segja ykkur frá. Ímyndið ykkur Júdósalinn uppí KA-heimili eftir nokkurra tíma júdóæfingar og það er bara einn lítill gluggi opinn. Það ganga 15 leikmenn úr D/R galvaskir inn og ganga á vegg. Einn hefur það á orði að það sé nú frekar loftlaust hérna inni og þá segir Ódi "Loft er fyrir aumingja. Þú (bendir á e-n) lokaðu glugganum!!" HA!! ertu að grínast? "neinei, lokaðu glugganum" (s.s. eina glugganum sem var opinn og loftræstingin er svo að heita ENGIN) OK. Svo segir hann okkur að raða okkur upp í eina línu eftir línu í gólfinu. Svo spyr hann "HVER HÉRNA ER HÖLLUSON!?!?!? SONUR HÖLLU?" Ef mig hefur einvherntíman langað til að gufa upp þá var það þarna! Ég allavega sagði ekki orð og það var ekki fyrr en Viktor benti á mig að ég gat ekki falsist lengur. Ódi segir "AHA, ÞÚ MUNT DEYJA Í KVÖLD!!!!!!" gulp, sviti, kreisti fram bros, það féll eitt tár og svo hugsaði ég "TAKK MAMMA"  allavega var æfingin hjá mér þannig að önnur hver setning sem ég heyrði var.. "HÖLLUSON ÁFRAM MEÐ ÞIG.. HÖLLUSON DÝPRA.. HÖLLUSON HRAÐAR.. HÖLLUSON, HÖLLUSON,"

Ég gat varla labbað niður stigann og ég hef aldrei á ævinni orðið svona sveittur. úff, get ekki sagt annað en að ég hlakka til næstu æfingar hjá honum.

Takk MAMMA!!

þangað til næst HÖLLUSON

Jæja, hvað er títt? Já það er rétt sem þú ert að hugsa. Þetta er nýtt blogg hjá Snorra og þetta er í alvöru hann sem er að skrifa. En allavega var að koma heim í gær frá Tenerife þar sem að ég eyddi jólunum ásamt fjölskyldu minni og Guðrúnu. Verð ég að segja að það hafi nú verið ansi skrýtið að hafa pálmatré fyrir jólatré og legið í sólbaði á ströndinni á aðfangadag og jóladag en djöfull var það samt notalegt. Það er svo assgoddi kalt hérna eitthvað.

En ég er allavega á Ísafirði núna og verð þar með Guðrúnu og fjölskyldu yfir áramótin en svo fer ég til Val di Fiemme á Ítalíu þann 2. janúar með krökkunum sem ég er að þjálfa skiði. Verð þar í 10 daga þannig að ég kem ekki heim á Akureyri fyrr en þann 13. janúar og verð þá búinn að vera í burtu frá 15. desember.

Ég vil allavega óska öllum bara gleðilegara jóla og þakka fyrir árið sem er að líða. Vona svo að þið verðið jafn duglega að skoða síðuna á nýja árinu og vona líka að ég skrifi kannski aðeins meira. þangað til næst

Snöberinn eða "El Negro" eins og þeir kalla mig hérna á Ísafirði.

Ég set svo inn myndir og kannski smá ferðasögu við annað tækifæri. Hvenær sem það verður

Það er alveg að fara að koma nýtt blogg.. ég lofa..

 Snöbb Dogg

$$.. og fræg setning sögð í ákveðinni þýskalandsferð sem ég því miður var ekki hluti af "Kaupa, kaupa, kaupa" kemur uppí hugann þegar ferðin er gerð upp. En get allavega sagt það að ég og spússa mín förum ekki í jólaköttinn í ár (ætli hann komist hvort eð er nokkuð til Tenerife?) Það var allavega mjög hagstætt að versla þarna úti og nóg af búðum til að skoða.

Fórum líka í GO-Kart og þrátt fyrir STÓRAR og miklar yfirlýsingar frá Kidda Björns þá stóð hann engan veginn undir þeim og gerði ekkert annað en að hægja á mér og Þorsteini en Hannes fékk bilaðann bíl (segir hann) og skipti þetta hann því engu máli. En til að gera langa sögu stutta þá bombaði Túttinn á mig og ÉG var skammaður, en kom þó ekki að sök þar sem ég tók besta tímann og mesta hámarkshraða .

Hér eru svo nokkrar myndir úr ferðinni, tók ekkert margar þannig ég set örugglega bara þessar inn.

Ívar, Túttinn og Hannes

Ég og Hannes í aftari röð, Tútti og Kiddi í fremri.

Ég farinn framúr Þorsteini

Verið að lesa MÉR stykkið eftir að Þorsteinn bombaði á mig!!

Svenni þessi var bara fyrir þig

Fórum út að borða í neðanjarðarbyrgi

Meira af því.

Höber og frú!!

Sveinn "eldri" og ég

Hansína og Þorsteinn

Skafti og Kári að drepast ofan í glasið, sem var regluleg sjón þarna úti

Skafti og Krsitinn (shopping buddy )

Guðrún sæta og Ég

Snorri "Lewis" Páll "Hamilton" Guðbjörnsson kveður

Já góðan daginn, góðan daginn. Verð að segja að þessi helgi var næstum fullkomin í íþróttaheimi mínum en KA, Valur, Newcastle, Bayern Munchen, Gummersbach unnu öll sína leiki. Bara AC Milan og Akureyri sem klikkuðu.

Fyrsta vísindaferðin var farin um þarsíðustu helgi 15. sept. Farið var til Deloitte og á pub quiz á dátanum eftir það.

Svosem ekki meira um það að segja, held það viti allir hvað felur í sér að fara í vísindaferð. dæmi um það er að skrifstofustjórinn sagði þegar að allir voru mættir "eigum við ekki að drífa okkur inní fundarherbegi þar sem ég ætla að kynna aðeins starfsemi Deloitte áður en ég verð of fullur!!"

Svo styttist óðum í Riga ferðina. 3. okt. Er að verða kominn í góða æfingu og drekk núna orðið kippu á dag án þess að sjáist á mér.

þangað til næst

Snöberinn

Já hérna hhhmmhhmm ég aftur.. ekki sá virkasti eða hvað. Æji fokk it. Skólinn er byrjaður og líkar mér bara helvíti vel, enn sem komið er allavega. Rúmmeterinn sem kennir mér hagnýtatölvutækni var einmitt að henda Gogga þórsara út úr tíma núna rétt í þessu. Fyrir hvað veit ég ekki alveg ennþá.

Svo var ég að enda við að splæsa í nýja tölvu. Dell Inspiron 1520 svarta. illa sáttur. Var kominn tími á endurnýjun.

Djöfull er ég líka sáttur með mína menn í Newcastle, taplausir núna eftir 4 leiki. Svo tapa þeir pottþétt um næstu helgi bara af því að ég sagði þetta. En það verður þá bara að hafa það.

Svo er skíðadjamm hjá okkur "gömlu" skíðakrökkunum á dalvík á laugardaginn. Byrjum í íþróttahúsinu og förum svo í bústaðinn hans Sigga í Ásvídeo. Það verður algjör snilld, langt síðan maður hefur hitt þau öll í einu. Nema Svenni Vesturfari verður nottlega ekki. Nennti ekki að koma heim fyrir þennan stórviðburð (voða lélegt).

En þangað til næst. Sem verður vonandi ekki eftir of langan tíma

Snöberinn

Já þið segið það.. alltaf í boltanum? jájá hélt það, ég líka. Búinn að setja tvö í síðustu tveim leikjum í deildinni. vonandi að áframhald verði á því. Svenni einmitt setti hann áðan og óska ég honum bara til hamingju með það. hans annað mark í sumar, spurning um að koma í markakeppni gamli? fyrst þið eruð nu farnir að skora aftur þarna í KA. En já eins og þið hafið kannski tekið eftir þá hefur maður ekkert verið alveg að bræða úr lyklaborðinu við að blogga og margt hefur drifið á daga mína síðan síðast. Búinn að útskrifast úr MA og kominn inn í HA, viðskiptafræðideild, markaðssvið. svo kemur bara í ljós hvernig manni líkar það. en jæja ætla ekki að hafa þetta of langt, svo þið eigið nú auðvelt með að melta þetta eftir þetta litla hlé sem verið hefur á skrifum á þessa síðu.. Snöberinn, MÆTTUR!!!!

Já maður hefur nú ekki brýnt raust sýna í nokkuð alldágóðan tíma núna en í ljósi atburða síðasta sólarhrings sé ég mig knúinn til þess.

opDetail('74058407')" title= "View image detail" onmouseover= "window.status='View image detail';return true;" onmouseout= "window.status='';">      vs        opDetail('74050869')" title= "View image detail" onmouseover= "window.status='View image detail';return true;" onmouseout= "window.status='';">
       AC Milan                                                       Man Utd

Mættust í gær í seinni leik liðanna í undanúrslitum CL. Til að gera langa sögu stutta þá unnu vinir mínir og félagar í Milan nokkuð sannfærandi sigur 3 - 0. Nú veit ég að um leið og Svenni og Hjalti sjá fyrirsögnina á þessari færslu þá hætta þeir við að lesa og tala ekki við mig næstu vikuna en so be it. United geta þó verið sáttir við árangur sinn í deildinni, klárlega besta liðið á englandi í dag. Kannski rétt á eftir Newcastle nú þegar Owen er kominn aftur. opDetail('74031716')" title="View image detail" onmouseover= "window.status='View image detail';return true;" onmouseout= "window.status='';"> en hann spilaði einmitt sinn fyrsta leik síðan hann meiddist á HM í fyrra nú á síðastliðin mánudag gegn Reading. Hann er einmitt með þokkalegt record fyrir Newcastle. 7 mörk í 11 leikjum. Sem er bara svipað og hjá mér. Eða nei!!! ekki!! ég hef samt grun um að ég skori í kvöld þegar við í D/R spilum æfingaleik við Magna.

Snöber out.

Nú er svo komið að ég get ekki orða bundist um hvað er að gerast á þessu blessaða landi okkar. Það mega ekki heyrast orðin typpi, rass eða kúka og þá er bara allt vitlaust. Ekki mega ungar stelpur heldur vera bognar í baki og þá eru þær orðnar skýrskotun í klámmynd.

 
Það hafa nú allir heyrt um málið sem þessi mynd af greyið stelpunni skapaði. Einhver kelling sem sagði að þessi mynd væri skýrskotun í klám myndir vegna þess að hún er með opin munn, í háhæluðum skóm og ,,í þekktri stellingu úr klám myndum" eins og konan komst svo skemmtilega að orði.

Svo var það þetta mál á Ísafirði. Lesið bara greinina. Fólk að missa sig.

Hvað finnst fólki? er það sammála mér um það að fólk ætti nú bara að fara að þegja og aðeins að átta sig á því að það nú einu sinni 21. öldin?

endilega kommentið

kv. Snöberinn